Udhëzimet

Qëroni dhe hiqni farat nga kungulli. Grijeni kungullin në rende dhe vendoseni në një enë. Shtoni kripë, piper, vaj dhe vezët. Përziejini mirë të gjitha ingredientët. Nëse dëshironi, mund të shtoni edhe djathë. Shtoni qumështin dhe përziejeni përsëri.

Merrni petët e gatshme dhe shtroni një shtresë në tavë. Mbi to, hidhni masën e përgatitur me kungull. Vendosni një tjetër shtresë me petë mbi masën dhe sipërfaqen lyejeni me pak vaj. Piqeni në furrë të parangrohur. Fillimisht piqeni byrekun në 250°C deri sa të marrë një ngjyrë të artë, pastaj ulni temperaturën në 150°C dhe vazhdoni pjekjen ngadalë për ta bërë byrekun të gatuhet mirë.